Menu
Moose Factory — Môsonîwi-Miništik
Selon la tradition orale môsonîwililiw, un couple ancestral serait descendu des cieux et aurait reçu des animaux les enseignements et les qualités nécessaires pour survivre et s’épanouir en ce monde. Les lois du Créateur, telles que l’honnêteté, le courage et šawelihcikewin, c’est-à-dire le partage dans la gratitude et la générosité, se sont consolidées au fil des générations à travers l’expérience vécue des bienfaits ou des conséquences découlant du respect ou de la négligence de ces principes. Reçus avec hospitalité par la Môsonîwililiw sur ce site de rassemblement estival, les marchands de la Compagnie de la Baie d’Hudson y construisent Moose Fort en 1673. Au-delà des relations commerciales, l’entraide s’installe dans les périodes difficiles. Au cours des deux siècles suivants, Moose Fort devient Moose Factory, un poste de traite transatlantique régional caractérisé par l’échange culturel et le mariage mixte. Ces antécédents influent sur les attentes de la Môsonîwililiw à l’égard du Traité no 9, signé en 1905. Malgré les violations dudit traité, beaucoup se porteront volontaires au service militaire canadien lors des Guerres mondiales. Au milieu du XXe siècle, les relations de Moose Factory se tournent peu à peu vers le Canada à mesure que la traite des fourrures perd de l’importance dans la ville. L’arpentage de la réserve principale de la Première Nation crie de la Moose a lieu ici en 1948. D’anciens combattants contribueront à mener des actions en faveur de l’autonomie et du renouvellement des traités, comme en témoigne la création de la Nishnawbe-Aski Nation en 1973. Si Môsonîwi-Miništik est le plus ancien établissement anglophone en Ontario, son histoire reste principalement liée à la Môsonîwililiwak.
En cri de Moose (Môsonîwi-Miništik)
Âtalôhkâtâkaniwiwak weškac kâ kî peci-nîhtâpihkenihcik nâpew nešta iskwew kîšikohk ohci, kâ wâpahtilikocik mâka kici kî pimâcihocik aweyâšîša kâ kî pakitinitisoštâkocik. Kâ peci-âniske-pimâtisînâniwahk mâka kekakeka kî kiskelihcikâteliwa Kihci-manitow ot olašowewina – tâpwewin, sôhkitehewin, šawelihcikewin mâka. Kampaniy mâka kâ kî iškwâ-milo-tôtâkot Môsonîwililiwa ôma miništikohk, ekôtôta kâ iši-walaskitât o wâskâhikanim anta 1673 kici atâwâniwanilik. E ispihci-milwâhkomitocik mâka ililiwak nešta Wemištikôšiwak, môla piko ohci-atâmitowak. Wîpac mâka kî ati-wîcihitowak nešta mekwâc e âlimanilik. Kâ mayâwipalik mâka nîšwâw-mitâhtomitana-pipon kî âhcinihkâcikâtew e iši-wemištikôšîwinihkâtek Moose Fort ohci Moose Factory kici išinihkâtek. Ekotôta kâ nakiškâtocik kici atâmitocik Ililiwak nešta aniki kâ ohtâšicik akâmi-kihcikamîhk, wâwâc mâka kici wîkimitocik âta kâ pâhpîtošaskânesicik. Ekwâni mâka kâ ohci-pakoselimocik Môsonîwililiwak kici milo-tôtâkocik animeliw naskomowiniliw 9 kâ itaštelik kâ pemâwasinahikâtelik anta 1905. Âta kâ pîkonikâteki âtiht ašotamâkewina, keyâpac mâka mištet kî naskomowak kici natawi-wîcihiwecik akâmi-kihcikamîhk ita kâ natopalînâniwanilik. Kekât mâka kâ otihcipalik 1950 kî ati-ohtiškawiškawewak Môsonîwililiwak Canada okimâwa peskiš e ati-cakawâšišicik awenihkânak keyâpac e kî wanihikecik. Ôta Môsonîwi-miništikohk kî tipahaskâcikâteliw nîštam ot iškonikaniwâw Môsonîwililiwak anta 1948. Kâ iškwâ-natopalînaniwanilik mâka kâ natopalîcik kî peci-wîcihtwâwak wîlawâw tipilawe Môsonîwililiwak kici tipelimitisocik nešta kici kakwe-ayâcik anihi kâ ašotamâkocik animeliw naskomowiniliw. Ekwâniki mâka kâ ošihtâcik animeliw Nishnawbe Aski Nation anta 1973. E ispihtaskamikâk mâka Ontario mâwac weškac kî wemištikôšîmonâniwan ôta. Šâkôc mâka nîštam Môsonîwililiwak kî ihtâwak ôta nešta kî ililîmonâniwan eškwa ekâ e wemištikôšîmonâniwahk.
En cri de Moose en caractères syllabiques (ᒨᓱᓃᐧᐃ ᒥᓂᔥᑎᒄ)
ᐋᑕᓘᐦᑳᑖᑲᓂᐎᐗᒃ ᐌᔥᑲᒡ ᑳ ᑮ ᐯᒋ ᓃᐦᑖᐱᐦᑫᓂᐦᒋᒃ ᓈᐯᐤ ᓀᔥᑕ ᐃᔅᑴᐤ ᑮᔑᑯᐦᒃ ᐅᐦᒋ, ᑳ ᐙᐸᐦᑎᓕᑯᒋᒃ ᒫᑲ ᑭᒋ ᑮ ᐱᒫᒋᐦᐅᒋᒃ ᐊᐌᔮᔒᔕ ᑳ ᑮ ᐸᑭᑎᓂᑎᓱᔥᑖᑯᒋᒃ᙮ ᑳ ᐯᒋ ᐋᓂᔅᑫ ᐱᒫᑎᓰᓈᓂᐗᐦᒃ ᒫᑲ ᑫᑲᑫᑲ ᑮ ᑭᔅᑫᓕᐦᒋᑳᑌᓕᐗ ᑭᐦᒋ ᒪᓂᑐᐤ ᐅᑦ ᐅᓚᔓᐌᐎᓇ – ᑖᐺᐎᓐ, ᓲᐦᑭᑌᐦᐁᐎᓐ, ᔕᐌᓕᐦᒋᑫᐎᓐ ᒫᑲ᙮ ᑲᒻᐸᓂᔾ ᒫᑲ ᑳ ᑮ ᐃᔥᒀ ᒥᓗ ᑑᑖᑯᑦ ᒨᓱᓃᐎᓕᓕᐗ ᐆᒪ ᒥᓂᔥᑎᑯᐦᒃ, ᐁᑰᑑᑕ ᑳ ᐃᔑ ᐗᓚᔅᑭᑖᑦ ᐅ ᐙᔅᑳᐦᐃᑲᓂᒻ ᐊᓐᑕ 1673 ᑭᒋ ᐊᑖᐙᓂᐗᓂᓕᒃ᙮ ᐁ ᐃᔅᐱᐦᒋ ᒥᓨᐦᑯᒥᑐᒋᒃ ᒫᑲ ᐃᓕᓕᐗᒃ ᓀᔥᑕ ᐌᒥᔥᑎᑰᔑᐗᒃ, ᒨᓚ ᐱᑯ ᐅᐦᒋ ᐊᑖᒥᑐᐗᒃ᙮ ᐐᐸᒡ ᒫᑲ ᑮ ᐊᑎ ᐐᒋᐦᐃᑐᐗᒃ ᓀᔥᑕ ᒣᒀᒡ ᐁ ᐋᓕᒪᓂᓕᒃ᙮ ᑳ ᒪᔮᐎᐸᓕᒃ ᒫᑲ ᓃᔣᐤ ᒥᑖᐦᑐᒥᑕᓇ ᐱᐳᓐ ᑮ ᐋᐦᒋᓂᐦᑳᒋᑳᑌᐤ ᐁ ᐃᔑ ᐌᒥᔥᑎᑰᔒᐎᓂᐦᑳᑌᒃ ᒨᔅ ᕗᕐᑦ (Moose Fort) ᐅᐦᒋ ᒨᔅ ᕚᒃᑕᕆᔾ (Moose Factory) ᑭᒋ ᐃᔑᓂᐦᑳᑌᒃ᙮ ᐁᑯᑑᑕ ᑳ ᓇᑭᔥᑳᑐᒋᒃ ᑭᒋ ᐊᑖᒥᑐᒋᒃ ᐃᓕᓕᐗᒃ ᓀᔥᑕ ᐊᓂᑭ ᑳ ᐅᐦᑖᔑᒋᒃ ᐊᑳᒥ ᑭᐦᒋᑲᒦᐦᒃ, ᐙᐙᒡ ᒫᑲ ᑭᒋ ᐐᑭᒥᑐᒋᒃ ᐋᑕ ᑳ ᐹᐦᐲᑐᔕᔅᑳᓀᓯᒋᒃ᙮ ᐁᒀᓂ ᒫᑲ ᑳ ᐅᐦᒋ ᐸᑯᓭᓕᒧᒋᒃ ᒨᓱᓃᐎᓕᓕᐗᒃ ᑭᒋ ᒥᓗ ᑑᑖᑯᒋᒃ ᐊᓂᒣᓕᐤ ᓇᔅᑯᒧᐎᓂᓕᐤ 9 ᑳ ᐃᑕᔥᑌᓕᒃ ᑳ ᐯᒫᐗᓯᓇᐦᐃᑳᑌᓕᒃ ᐊᓐᑕ 1905᙮ ᐋᑕ ᑳ ᐲᑯᓂᑳᑌᑭ ᐋᑎᐦᑦ ᐊᔓᑕᒫᑫᐎᓇ, ᑫᔮᐸᒡ ᒫᑲ ᒥᔥᑌᑦ ᑮ ᓇᔅᑯᒧᐗᒃ ᑭᒋ ᓇᑕᐎ ᐐᒋᐦᐃᐌᒋᒃ ᐊᑳᒥ ᑭᐦᒋᑲᒦᐦᒃ ᐃᑕ ᑳ ᓇᑐᐸᓖᓈᓂᐗᓂᓕᒃ᙮ ᑫᑳᑦ ᒫᑲ ᑳ ᐅᑎᐦᒋᐸᓕᒃ 1950 ᑮ ᐊᑎ ᐅᐦᑎᔥᑲᐎᔥᑲᐌᐗᒃ ᒨᓱᓃᐎᓕᓕᐗᒃ ᑳᓇᑕ ᐅᑭᒫᐗ ᐯᔅᑭᔥ ᐁ ᐊᑎ ᒐᑲᐙᔑᔑᒋᒃ ᐊᐌᓂᐦᑳᓇᒃ ᑫᔮᐸᒡ ᐁ ᑮ ᐗᓂᐦᐃᑫᒋᒃ᙮ ᐆᑕ ᒨᓱᓃᐎ ᒥᓂᔥᑎᑯᐦᒃ ᑮ ᑎᐸᐦᐊᔅᑳᒋᑳᑌᓕᐤ ᓃᔥᑕᒻ ᐅᑦ ᐃᔥᑯᓂᑲᓂᐙᐤ ᒨᓱᓃᐎᓕᓕᐗᒃ ᐊᓐᑕ 1948᙮ ᑳ ᐃᔥᒀ ᓇᑐᐸᓖᓇᓂᐗᓂᓕᒃ ᒫᑲ ᑳ ᓇᑐᐸᓖᒋᒃ ᑮ ᐯᒋ ᐐᒋᐦᑣᐗᒃ ᐐᓚᐙᐤ ᑎᐱᓚᐌ ᒨᓱᓃᐎᓕᓕᐗᒃ ᑭᒋ ᑎᐯᓕᒥᑎᓱᒋᒃ ᓀᔥᑕ ᑭᒋ ᑲᑴ ᐊᔮᒋᒃ ᐊᓂᐦᐃ ᑳ ᐊᔓᑕᒫᑯᒋᒃ ᐊᓂᒣᓕᐤ ᓇᔅᑯᒧᐎᓂᓕᐤ᙮ ᐁᒀᓂᑭ ᒫᑲ ᑳ ᐅᔑᐦᑖᒋᒃ ᐊᓂᒣᓕᐤ ᐊᓂᔑᓈᐯ ᐊᔅᑭᔾ (Nishnawbe Aski Nation) ᐊᓐᑕ 1973᙮ ᐁ ᐃᔅᐱᐦᑕᔅᑲᒥᑳᒃ ᒫᑲ ᐅᓐᑖᕆᔪ (Ontario) ᒫᐗᒡ ᐌᔥᑲᒡ ᑮ ᐌᒥᔥᑎᑰᔒᒧᓈᓂᐗᓐ ᐆᑕ᙮ ᔖᑰᒡ ᒫᑲ ᓃᔥᑕᒻ ᒨᓱᓃᐎᓕᓕᐗᒃ ᑮ ᐃᐦᑖᐗᒃ ᐆᑕ ᓀᔥᑕ ᑮ ᐃᓕᓖᒧᓈᓂᐗᓐ ᐁᔥᑾ ᐁᑳ ᐁ ᐌᒥᔥᑎᑰᔒᒧᓈᓂᐗᐦᒃ᙮
Lieu
En face du Centre d’interprétation culturelle des Cris, au 49, chemin Pehdabun, à Moose Factory